Vijeta

Ek Manch aur Ye Pratiyogi Anek
Ek Hai Shaam, Par Ye Vijeta Anek
Ek Hi Hai Lakshya Sabka,
Par Haasil Karne Ke Hain Raaste Anek.

Chal Chale Jo Raah Pe Karmath, Bina Ruke, Bina Thake,
Hota Unhi Ka Hai Raah Safal,
Jo Ladte Hain Mushkilon Se, Jo Kabhi Naa Darien,
Uparwala Bhi Hai Karta Usi ki Madad Pal Pal.

Raah Kathin Thi Par Wo Ghabraaya Nahi,
Ye Kaante, Ye Patthar, Inko Dekh Katraaya Nahi,
Yu Jo Badhe Kadam Viswas Se Uss Lakshya Ki Oor,
Hazaaroon Mushkilien Aayi Par Use Koi Rok Paya Nahi.

Aaj Parcham Lehra Ke Apne Kie Hue Karmo Ka,
Chaa Gaya Duniya Pe Wo Iss Kadar,
Seekh Lenge Kayi Log Iss Vijeta Se,
Kathin Nahi Bas Lamba Hai Ye Safar.

Aur Bas Ek Kamyaabi Se Santust Nahi Wo Iss Pal Me,
Nikal Pada Hai Ek Naye Lakshay Ko Paane ki Hatth Me,
Adbhut Pratibhaoon Ko Jo Mila Ye Maan Aur Ye Samman,
Kar Utha Hai Mera Rom Rom Un Vijetaaon Ko Koti Koti Pranam…
Koti Koti Pranam…