Nayi Disha, Naya Soch

Aankhon Me Aakrosh Liye, Dil Me Bhari Ek Aag,

Aaj Chala Hai Ye Bharat, Dhone Apne Daaman Ke Daag.

Aaj Khuli Hain Aankhien Iski, Kyu Lag Gaye Itne Baras,

Ek Ek Sach, Ek Ek Haq Paane ko, Ab Tak Raha Hai Ye Taras.

Angrezo Ne Loota Isko, Par Jana Pada Ek Din Unko Bhi,

Ye Jo Lootere Bache Hain Baaki, Aayegi Baari Ab Inki Bhi.

Jakhm Diye Bahut In Logo Ne, Til Til Kar Sehta Raha Ye Desh,

Khoon ki Holi, Goli - Barood Ki Diwali Me, Na Reh Gaya Dehsat Ka Koi Bhesh.

Bhrastachaar Ne Ghera Isko, Jab Mehangai Ne Kia Unmaad,

Ek Aur Swatantra Sangram Ki Aayi Anna Ko Yaad.

Ek Gandhi Ne Angrezo Ko Jhukaya Tha, Is Doosre Ne Bhi Kia Kamaal,

Uth Aya Desh Saath Is Gandhiwadi Ke, Kendra Sarkar Ke Kar Die Chehre Laal.

Ek Nayi Raah, Ek Naya Soch, Ek Aasha, Ek Viswas,

Bharat Ki Janta ka Yu Saath Aana, Isme Baat Hai Kuch Khaas.

Aisi Aandhi Bas Aaakar Tham Naa Jaaye, To Aao Aakar Le Hum Ek Prun,

Praan Jaye Par Vachan Naa Jaaye, Bhrastachaar Ko Milkar Kare Hum Khatam.